نظام Plant Based Diet للرجيم

ما الذي يجب عليك معرفته قبل البدء في نظام Plant Based Diet للرجيم

سوف نقوم بالأجابة في هذا المقال عن اكثر الاسئلة شيوعاً المتعلقة حول النظام الغذائي الصحي القائم علي النباتات Plant Based Diet او pbd
كل ما يدور في ذهنك من اسئلة حول هذا النظام سوف تجد لها اجابة في هذا المقال ان شاء الله

1- ما هي بدائل البروتينات الحيوانية
طبعا عارفين ان اللحوم من الممنوعات في نظام pbd واكيد ﻻزم يكون في بديل لحاجة زي كده عشان الجسم يقدر ياخد كل احتياجاته ومن اكتر اﻻشياء الي بتحتوي علي بروتينات كاملة زي: العدس – الكشري – اللوبيا – الفاصوليا – الحمص واغلب البقوليات بتبقي مليانة بالبروتينات ونقصد هنا بالبروتينات الكاملة (انها بتحتوي علي كل اﻻحماض اﻻمينية اللازمة)

2- ما هي بدائل اللبن التي تحتوي علي الكالسيوم

جسمنا اكيد هيحتاج للكالسيوم وطبعا زي ما انتوا عارفين ان اللبن كمان من الممنوعات في نظمنا طيب ايه هيا اﻷكلات الي ممكن نلاقي فيها الكالسيوم. احنا ممكن نلاقي الكالسيوم في أكلات زي: البامية – البروكلي – التين البرشومي – الفاصوليا البيضاء – اللوز – الكرنب – السمسم – الزبيب

3- هل الملح ممنوع في نظام Plant Based Diet

لو هنتكلم عن نظام pbd يبقي الملح ممنوع داخل النظام. لكن في العموم لاي حد هيمشي علي نظام للرجيم الصحي الملح بكميات مفرطة هيبقي مضر لانه بيقوم بأحتباس للسوائل داخل الجسم وده بيتم لان تقريباً الملح موجود داخل جميع انواع الاكلات الي بنأكلها حتي الخبز وده بيخلينا نستهلك كميات ملح كبيرة من غير ما نشعر يبقي الحل اننا نقلل كميات الملح الي ممكن ناخدها او نمنع الملح خالص لآن بطريقة غير مباشرة جسمنا بياخد احتياجه من الملح (الصوديوم) من الخضروات الي بنأكلها

أقراء كمان عن  كيف استعيد رشاقتي بعد رمضان؟

4- هل نظام Plant Based Diet مناسب للأطفال

يفضل اﻻ يتم اتباع نظام pbd للأطفال لأن اجسامهم في مرحلة البناء ويحتاجون الي جميع العناصر الغذائية والبروتينات سواء  كانت نباتية او حيوانية بشكل اساسي لذلك ﻻ ينصح به للأطفال اﻻ اذا كانوا يعانون من السمنة المفرطة في هذه الحالة فقط من الممكن يتم تصميم نظام غذائي مناسب ويفضل ان يكون تحت اشراف طبي يضم جميع احتياجات الطفل الغذائية.

5- هل اقدر أكل بكمية كبيرة في نظام pbd فعلا اكتر من اي نظام رجيم تاني

عشان تفهم قصة الأكل في النظام عاملة ازاي ﻻزم تعرف ان نظام Plant Based Diet للأكل النباتي متاح فيه 3 انواع اساسية من الطعام 1-الخضروات  2-البقوليات والنشويات  3-الفاكهة. نيجي ﻷول حاجة الخضروات ودي سعراتها الحرارية منخفضة زي مثلاً الجزر بيحتوي علي 40 سعر حراري والكوسه فيها 17 سعر حراري والطماطم فيها 18 سعر حراري فلو كان معظم اكلك من الخضروات ومهما كانت الكمية فمش هتضرك ﻻن في النهاية هيا حاجات قليلة السعرات نيجي لتاني حاجة وهيا البقوليات والنشويات ودي سعراتها الحرارية اكبر بحاجة بسيطة زي مثلاً الفاصوليا فيها 140 سعر حراري والـ100جم عدس فيهم 116 سعر حراري والـ100جمارز فيهم 130 سعر حراري والحاجات دي تقدر تأكل فيها بكميات برضوا ﻻنك مهما اكل منها مش هتقدر تتجاوز الكمية الي تخليك تعدي عدد السعرات الحرارية اليومية الي محتاجها جسمك نيجي بقي لتالت حاجة وهيا دي الي أكلها ﻻزم يكون بحساب وهيا الفواكه ونضم معاها المكسرات كمان ﻻزم نأخد بالنا كويس واحنا بنأكل الفاكهة ﻻن حاجة زي البلح مثلا فيها 282 سعر حراري للـ100جم يعني 5 او 6 بلحات ممكن نأكلهم من غير ما نشعر فيهم مش اقل من 900 سعر حراري وبكده احنا عرفنا ايه هيا كتر حاجة ممكن نأكلها بدون ما نقلق

أقراء كمان عن  أنفوجرافيك عن الـ Plant Based Diet - بالفيديو

6- ما هيا الممنوعات وبدائل الطهو في Plant Based Diet

الممنوعات :

  • اﻷلبان ومشتقاتها زي الجبن بأنواعها
  • اﻻسماك
  • اللحوم ومصنعات اللحوم زي البرجر
  • الزيوت والسمن
  • السكر
  • العسل
  • الملح ( لكن ده ممكن تفاديه بأننا نقلل الكمية )

بدائل الطهو :

  • اي حاجة كانت بتتقلي بالزيت تدخل الفرن هتبقي صحية اكتر زي البطاطس
  • ممكن نطبخ اﻻكل بالمياه بدل الزيت عادي وهيبقي كويس وطعمه حلو
  • ممكن نستبدل لبن جوز الهند باللبن البقري لو بنحب نشرب شاي بلبن مثلاً
  • ممكن نستخدم جميع انواع التوابل وتكون بديل جيد للملح
  • فيه عشبة اسمها الستيفا تنفع بديل صحي وأمن للسكر وبتحلي اكتر منه كمان

7- هل في اي اعراض جانبية او مشاكل تتعلق بسوء التغذية بسبب الـ pbd

لو نوعت كويس في طريقة أكلك هتقدر تتجنب اي مشاكل ممكن تتعلق بسوء تغذية نتيجه لتركيزك علي أنواع معينة من الطعام عشان كده علي قد ما تقدر حاول تخلي وجباتك متكاملة العناصر الغذائية

 

احنا تقريبا غطينا اغلب الاسئلة الي ممكن تهم اي شخص بيفكر في اتباع نظام Plant Based Diet لو في اي سؤال ملقتش له اجابة في موضوعنا ممكن تكلمنا وتقولنا عليه اتصل بنا او سيب سؤال في التعليقات واحنا في اقرب وقت ان شاء الله هنجاوبك عليه.

شاهد أيضاً

تعرفي على افضل طرق التخسيس بدون رجيم

يبحث الكثيرون الذين يريدون التخلص من أوزنهم او الوصول للوزن المثالى عن انظمة رجيم لا تستمر لفترات طويلة وتكون صعبة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

DMCA.com Protection Status